Teri baaten hi sunane aae | Ahmad Faraz Ghazals

تیری باتیں ہی سنانے آئے




تیری باتیں ہی سنانے آئے

دوست بھی دل ہی دکھانے آئے
 
پھول کھلتے ہیں تو ہم سوچتے ہیں
تیرے آنے کے زمانے آئے
 
ایسی کچھ چپ سی لگی ہے جیسے
ہم تجھے حال سنانے آئے
 
عشق تنہا ہے سر منزل غم
کون یہ بوجھ اٹھانے آئے
 
اجنبی دوست ہمیں دیکھ کہ ہم
کچھ تجھے یاد دلانے آئے
 
دل دھڑکتا ہے سفر کے ہنگام
کاش پھر کوئی بلانے آئے
 
اب تو رونے سے بھی دل دکھتا ہے
شاید اب ہوش ٹھکانے آئے
 
کیا کہیں پھر کوئی بستی اجڑی
لوگ کیوں جشن منانے آئے
 
سو رہو موت کے پہلو میں فرازؔ

نیند کس وقت نہ جانے آئے





Teri baaten hi sunane aae
dost bhi dil hi dukhane aae
 
phul khilte hain to hum sochte hain
tere aane ke zamane aae
 
aisi kuchh chup si lagi hai jaise
hum tujhe haal sunane aae
 
ishq tanha hai sar-e-manzil-e-gham
kaun ye bojh uthane aae
 
ajnabi dost hamein dekh ki hum
kuchh tujhe yaad dilane aae
 
dil dhadakta hai safar ke hangam
kash phir koi bulane aae
 
ab to rone se bhi dil dukhta hai
shayad ab hosh thikane aae
 
kya kahin phir koi basti ujdi
log kyun jashn manane aae
 
so raho maut ke pahlu mein ‘faraaz’

nind kis waqt na jaane aae


तेरी बातें ही सुनाने आए
दोस्त भी दिल ही दुखाने आए
 
फूल खिलते हैं तो हम सोचते हैं
तेरे आने के ज़माने आए
 
ऐसी कुछ चुप सी लगी है जैसे
हम तुझे हाल सुनाने आए
 
इश्क़ तन्हा है सर-ए-मंज़िल-ए-ग़म
कौन ये बोझ उठाने आए
 
अजनबी दोस्त हमें देख कि हम
कुछ तुझे याद दिलाने आए
 
दिल धड़कता है सफ़र के हंगाम
काश फिर कोई बुलाने आए
 
अब तो रोने से भी दिल दुखता है
शायद अब होश ठिकाने आए
 
क्या कहीं फिर कोई बस्ती उजड़ी
लोग क्यूँ जश्न मनाने आए
 
सो रहो मौत के पहलू में ‘फ़राज़’
नींद किस वक़्त न जाने आए
Facebooktwitterredditpinterestlinkedintumblrmail

Leave a Reply

Your email address will not be published. Required fields are marked *